Jusufi 1 i humbun ka me ju rikthye Kananit 2 - n'vuejtje mos bjer

nji ditë burgu i pikëllimit 3 gjylistan 4 do bahet - n'vuetje mos bjer!

Moj zemër e pikëllueme, fati ka me t'zbardhë

e mendja prapë ka me tu qetësue - n'vuetje mos bjer!

Edhe nëse për dy a tre ditë qiejt rrokullisen kundër nesh

ato sillen, me nji vend s'rrijnë - n'vuetje mos bjer!

Ju zogj t'ambël qi kandoni, mbijetoni deri n'behar

nëpër barë e hije lulesh do shëtiteni - n'vuetje mos bjer!

Shpresën mos e humb, kur i vetëdijshëm për t'fshehtën s'je

mprapa perdes kushdi ç'lojë e fshehtë luhet - n'vuetje mos bjer!

I përmalluem, udhës për n'Qabe tuj ecë nëpër shkretinë

gjamba përpara n'dalshin - n'vuetje mos bjer!

Moj zemër, nëse tufani asht tue gëllditë tanë xhihanin 5

mbasi Nuhu 6 asht udhërrëfyesi yt - n'vuetje mos bjer!

Edhe pse udha me rreziqe mund me kenë, e i panjoftun fundi i saj

udhë pa fund nuk ka, kështu qi - n'vuetje mos bjer!

Halin e ndamjes prej Xhananit e përbuzjen e vëzhguesit Zoti mirë din

po asht Ai qi i ndryshon gjendjet - n'vuetje mos bjer!

O Hafiz, në errësinën e natës, në vetmi e në fakirllëk

dersa derset e lutjet e Kur'ânit janë me ty - n'vuetje mos bjer!