﷽

Ftyra po t'bon nur

tam si nuri i nji dite t'hijshme;

në fakt ftyra jote asht ma e hijshme

se vet nuri i ditës.

Vena asht e mirë

ama sakiu

asht edhe ma i mirë. 

Tanë t'lidhunit n'nyje
kanë me u çlirue sot

edhe zemra ka me iu sill

e ka me e kap kënaqësinë e vet

tam si skifteri pllumbin.

Kushdo qi e ka humb zemrën

ka me pas drejtësi prej të dashtunit;

e kushdo qi asht i etun

ka me u ulë afër ujit t'keutherit.

Mbasi sot asht festë publike,

idhulli jem i hijshëm për çdo çast

po i jep sakiut nga nji kupë t're

e po i thotë: "shko çojau ashikave".

Sa kupë delikate asht ajo!
Për shkak të hollësisë e delikatesës së tepërt

lirisht mundesh me thanë se s'asht kupë

po asht tanësisht venë.